معمول بلفستق جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة. حلو العيد
- 1 كيلو طحين
- 550 غرام سمنه
- كاسه سكر
- كاسه مي
- كاسه قطر
- 0.5 كيلو فستق حلبي مجروش
- ماء زهر
- 1 منفرك الطحين مع السمنه حتى تصير متل حبات الرمل ومنبرد الخلطه منحطها بلتلاجه تبرد السمنه
- 2 منغلي قطر كاسه مي وكاسه سكر وبس يغلي منضيف رشه حمض الليمون ومنتركو يبرد
- 3 منطلع الطحين والسمنه من البراد ومنضيف عليهم القطر ومندوب السكر بلمي وملعقه صغيره خميره مندوبها علبارد ومنعجن العجينه
- 4 بضل معنا العجينه طريه شويه منرجعها علتلاجه تبرد بترجع بتمسك وبتصير جاهزه للشغل
- 5 منفرم الفستق فرم خشن منضيف عليهم ملعقه سمنه صغيره وملعقه ماء زهر وقطر شي ملعقتين حتى يمسك الفستق
- 6 منبلش نشكل المعمول ونحشيها حسب القالب يلي عنا ونشويها بلفرن حتى يزهر لونن من تحت
- 7 منطلع الصينيه من الفرن ومباشره مندهنها بسمنه حيواني وبس يبردو منرفعن وبلعافيه
-
8
طريقه العجينه والشغل اخدتها من شيف حلويات هو قرايب زوجي وكان يشتغل بلميدان
- 9 عجينه المعمول لازم تضل بارده يعني اذا الجو حار عندك والكميه كبيره خليها بلتلاجه وطالعي منها شوي واشتغلي فيها
يجب عليك تسجيل الدخول لتتمكن من التعليق وإضافة تجربتك لهذه الوصفه
